कन्हैया

 

 

गोकुल के रचैया अरु गोकुल के बसैया हरि ,

माखन के लुटैया पर माखन के रखैया तुम ! 

 

गोधन  के कन्हैया अरु गोवर्धन उठैया नाथ ,

बृज के बसैया श्याम बृज के बचैया तुम !

भारत रचैया अरु भारत बचैया कृष्ण ,

गीता के सुनैया अरु गीता के रचैया तुम ! 

बंसी के बजैया अरु चीर के चुरैया हरि  ,

नागन के ऊपर चढ़ि नृत्य के करैया तुम ! 

 

सारी  के चुरैया अरु सारी के बढ़ैया साथ ,

भरी  सभा द्रौपदी की लाज के रखैया तुम !

राधा के गहैया श्याम राधा के छुड़ैया योगी ,

गोपिन संग कुंजन में रास के रचैया तुम ! 

पापी अरु पापिन को स्वर्ग के दिलैया नाथ ,

शरण हूँ मैं लाज राखो कुँवर कन्हैया तुम ! 

किरण